Polıtsııa qyzmetkerin qaqqan júrgizýshi qashyp ketti
QYZYLORDA. QazAqparat - Qyzylorda oblysy Jańaqorǵan aýdanynda bolǵan jol-kólik oqıǵasy saldarynan ýchaskelik ınspektor qaıtys boldy. Júrgizýshi oqıǵa ornynan qashyp ketken, dep habarlaıdy QazAqparat.
Oblystyq ishki ister departamenti baspasóz qyzmetiniń habarlaýynsha, jol-kólik oqıǵasy Jańaaryq jáne Baıkenje aýyldarynyń arasynda oryn alǵan. Kólik júrgizýshisi júrginshini qaǵyp jáne oqıǵa ornynan boı tasalaǵan. Qazir kúdikti izdestirilýde.
«Atalmysh derek boıynsha QR Qylmystyq kodeksiniń 345-babynyń 3-bóligi jáne 347-babynyń 1-bóligimen sotqa deıingi tergep-tekserý amaldary júrgizilýde», dep habarlaıdy Qyzylorda oblystyq ishki ister departamentiniń baspasóz qyzmeti.
Ádilet Qańtarbaev
