Polıtsııa qyzmetkerin balaǵattaǵan aqtóbelik qoǵamdyq jumysqa tartyldy
AQTÓBE. QazAqparat - Aqtóbede ishimdik iship, polıtsııa qyzmetkerin balaǵattaǵan azamat jaýapkershilikke tartyldy, dep habarlaıdy QazAqparat tilshisi.
№2 Aqtóbe qalalyq sotynda T.Nurkenge qatysty Qylmystyq kodekstiń «Bılik ókilin qorlaý» baby boıynsha is qaraldy. Otbasyly, biraq jumyssyz aqtóbelik qaladaǵy 8-yqshamaýdanda mas kúıinde júrip, polıtsııa qyzmetkerine qarsylyq bildirdi.
Іs materıalyna súıensek, sottalýshy T.Nurken polıtsııa qyzmetkerin balaǵattaǵan. Sot otyrysy kezinde ol bul isin tolyq moıyndady. Alaıda, polıtsııa qyzmetkeri elektroshoker paıdalanǵan soń ashýǵa býlyǵyp, óz isine esep bermegenin atap ótti.
«T.Nurken Qylmystyq kodekstiń «Bılik ókilin qorlaý» baby boıynsha aıypty dep tanylyp, 60 saǵat qoǵamdyq jumysqa tartý jazasy taǵaıyndalsyn. Aıyptalýshynyń óz ýaqytynda kelip, jumys isteýin probatsııa qyzmeti baqylaýǵa alsyn. T.Nurken óz mindetinen bas tartsa, árbir 4 saǵaty 1 kún qamaýǵa alýmen esepteledi»,- dedi sýdıa A. Bekmuhambetova.
