Polıtsııa qyzmetkeri jolda mas áıeldi qaǵyp ketti
ASTANA. QazAqparat - Bashqurtstan Respýblıkasy boıynsha ІІM-niń basshylyǵy polıtsııa qyzmetkeriniń jol-kólik apatyna qatystylyǵy týraly is boıynsha qyzmettik tekseris júrgizip jatyr, dep jazady reseılik BAQ Bashqurtstan ІІM-niń baspasóz qyzmetine silteme jasaı otyryp.
Reseı ІІM-niń Aýrgazınskıı aýdany boıynsha bóliminiń kezekshisine jol apaty týraly habarlama 23 qarasha kúni tańerteń túsken.
Tergeý málimetterinshe, polıtsııa qyzmetkeri júrgizip kele jatqan «Lada» kóligi mas kúıdegi 60 jastaǵy áıeldi qaǵyp ketken.
Zardap shekken áıel ortalyq aýdandyq aýrýhanaǵa jetkizildi.
Ótkizilgen medıtsınalyq kýálandyrý qorytyndylary boıynsha, kólik júrgizýshisiniń alkogol ishimdikterin ishpegeni anyqtaldy.
Bashqurtstan Respýblıkasy boıynsha ІІM-niń basshylyǵy jol-kólik apatynyń barlyq mán-jaıyn anyqtaý úshin qyzmettik tekserý taǵaıyndady. Tártip saqshysynyń kinási ornatylǵan jaǵdaıda, ol qazirgi zańnamaǵa sáıkes jazasyn óteıdi, dep habarlady vedomstvonyń baspasóz qyzmetinen.
