«Polıtsııa qyzmetkeri» Qyzylorda turǵynynyń telefonyn qoldy etti
QYZYLORDA. QazAqparat – Ózin polıtsııa qyzmetkeri retinde tanystyrǵan alaıaq Qyzylorda turǵynynyń uıaly telefonyn ıemdengen, dep habarlaıdy QazAqparat tilshisi.
Qyzylorda qalalyq Polıtsııa basqarmasyna alaıaqtan zardap shekken qala turǵyny aryzdandy. Aıtýynsha, túngi ýaqytta qalanyń ortalyq kósheleriniń birinde oǵan belgisiz bir azamat ózin polıtsııa qyzmetkeri retinde tanystyrǵan. Odan keıin ol azamattyń «Samsung Galaxy A10» markaly uıaly telefonyn aldap alǵan.
«Polıtseılerdiń jedel sharasy nátıjesinde kóp uzamaı kúdikti ustaldy. Ol – buryn sotty bolǵan 23 jastaǵy oblys turǵyny. Kúdiktige qatysty «eshqaıda ketpeý jáne tıisti minez-qulyq týraly qolhat» túrinde bultartpaý sharasy qoldanyldy. Qazirgi ýaqytta QR Qylmystyq kodeksiniń 190-babynyń 2-bóligi boıynsha sotqa deıingi tergep-tekserý amaldary júrgizilýde. Onda alaıaqtyq jaǵdaıy kórsetilgen», - dep málim etti Qyzylorda oblystyq Polıtsııa departamentiniń baspasóz qyzmeti.
