Polıtsııa qyzmetkeri: qorǵanýdyń tıimdi joly – vaktsına
AQTÓBE. QazAqparat – Immýndaý jumysy bastalǵan kúnnen berý Aqtóbe oblysyna 17800 doza ákelinip, 7 myńnan astam turǵyn egildi. Ekpe qabyldaǵan polıtsııa qyzmetkerleri ózin jaqsy sezinedi, dep habarlaıdy QazAqparat tilshisi.
Polıtsııa qyzmetkerleri turǵyndardy ımmýndaý jumysyna beıjaı qaramaýǵa shaqyrdy.
«9 naýryz kúni vaktsınanyń alǵashqy dozasyn qabyldadym. Al ekinshi bóligin 31 naýryzda aldym. Aýyrsyný bolmady, esh áserin sezbedim. Biz adamdarmen tyǵyz qarym-qatynasta jumys isteımiz. Sondyqtan ózimizdi, otbasymyzdy, turǵyndardy saqtaý, qorǵaý úshin tıimdi joldy tańdadyq», - dedi qalalyq polıtsııa basqarmasy patrýldik polıtsııa batalonynyń komandıri Ermek Shoqanov.
