Polıtsııa qyzmetkeri kólikterdegi medıtsınalyq kómek qobdıshasynyń quramyn teksermeıdi - QR ІІM
ASTANA. QazAqparat - Polıtsııa qyzmetkeri kólikterdegi medıtsınalyq kómek qobdıshasynyń ishindegi dárilik zattardyń quramyn teksermeıdi. Bul týraly búgin Astanada Ortalyq kommýnıkatsııalar qyzmetindegi «Ákimshilik quqyq buzýshylyq týraly kodekstiń jańa redaktsııasynyń negizgi qaǵıdalary týraly» atty brıfıngte QR ІІM Ákimshilik polıtsııa komıtetiniń tóraǵasy Igor Lepeha málim etti.
«Ótken jyldyń sońynda Densaýlyq saqtaý jáne áleýmettik damý mınıstrligi medıtsınalyq kómek qobdıshasynyń quramyn qaıta qarastyrdy. Bul tek osy vedomstvoǵa qatysty másele. Al biz Ákimshilik Kodekske jáne erejege sáıkes kólikte medıtsınalyq kómek qobdıshasynyń bolýyn tekseremiz. Biraq osy qobdıshada qandaı dárilik zattar saqtalyp jatqandyǵyna qaramaımyz, bul turǵyda polıtseıdiń jalǵyz maqsaty qobdıshanyń avtokólikte mindetti bolýyna mán berý», - dedi komıtet basshysy. Budan bólek, ol polıtsııa qyzmetkerleri kólikterdi qandaı jaǵdaıda toqtatandyǵy máselesine toqtaldy. «Kólikti toqtatý jaǵdaılary jol qozǵalysy týraly zańnamada naqty kórsetilgen. Atap aıtqanda, kólikterdi sebepsiz toqtatýǵa túbegeıli tyıym salynǵan. Eger toqtatyn bolsa, polıtseı mindetti túrde bul áreketiniń sebebin túsindirýi tıis», - dep túıdi I.Lepeha. Aıta keteıik, 2015 jylǵy 11 qańtarǵa deıin qazaqstandyqtar avtokólikteriniń alǵashqy medıtsınalyq kómek qobdıshasynyń jańa quramyn Qazaqstan Respýblıkasy Densaýlyq saqtaý jáne áleýmettik damý mınıstriniń buıryǵyna sáıkes jańartýy qajet, dep habarlady QR DSÁDM. Avtomobıldegi alǵashqy medıtsınalyq kómek qobdıshasynyń jańa quramyna kirgender: sýtegi totyǵynyń 3% eritindisi (1 flakon), zararsyzdandyrylǵan dáke bınti 5m *10 sm (1 dana), zararsyzdandyrylmaǵan dáke bınti 5m *10 sm (1 dana), zararsyzdandyrylmaǵan dáke bınti 7m *14 sm (1 dana), zararsyzdandyrylǵan medıtsınalyq dáke salfetkalar (1 dana), zararsyzdandyrylǵan tańý paketi (1 dana), zararsyzdandyrylǵan medıtsınalyq gıgroskopııalyq maqta 50 g. (1 dana), qan toqtatqysh jgýt (1 dana), bakterıtsıdti leıkoplastyr (5 dana), medıtsınalyq leıkoplastyr (1 dana), elastıkalyq tútiksheli bınt № 1, 3, 6 (bir birden), zararsyzdandyrylmaǵan medıtsınalyq qolǵaptar (1 jup), doǵal ushty qaıshylar (1 dana). Esterińizge sala keteıik, 2014 jylǵy 18 qarashada «Avtomobıldegi alǵashqy medıtsınalyq kómek qobdıshasynyń dárilik zattary men medıtsınalyq maqsattaǵy buıymdarynyń tizbesin bekitý týraly» Qazaqstan Respýblıkasy Densaýlyq saqtaý mınıstriniń 2014 jylǵy 2 shildedegi № 368 buıryǵyna ózgerister engizilgen.
