Polıtsııa qyzmetkeri qaza tapqan jol apatyna qatysty málimet berildi
«Jol-kólik apaty 17 qazan kúni saǵat 02.00 shamasynda Aqmola oblysynyń Aqkól qalasynda bolǵanyn habarlaımyz. Saldarynan Aqkól aýdandyq polıtsııa bóliminiń tergeýshisi qaza tapty.
Alǵashqy aqparat boıynsha, «Toyota Carina« markaly avtokóliktiń júrgizýshisi rýlge ıe bola almaı qalyp, «Seat Alhambra« markaly avtokólikpen soqtyǵysqan.
Jol apatynan júrgizýshi oqıǵa ornynda kóz jumyp, sheteldik kóliktiń eki jolaýshysy jáne ekinshi kóliktiń eki jolaýshysy medıtsınalyq mekemege jetkizildi. «Seat Alhambra« markaly avtokóliktiń júrgizýshisi zardap shekken joq», - delingen polıtsııa málimetinde.
Atalǵan fakti boıynsha QR Qylmystyq kodeksiniń 345-baby 3-bóligi boıynsha sotqa deıingi tergeý bastaldy.
«Jol-kólik apaty qyzmetten tys ýaqytta, polıtsııa qyzmetkeriniń jeke avtokóligimen bolǵanyn málim etemiz», - delingen habarlamada
Foto: t.me/POLICE_of_KZ
