Polıtsııa qyzmetkeri esirtkimen ustaldy
ASTANA. QazAqparat - Talǵar aýdandyq ishki ister basqarmasynyń qyzmetkeri jeke tulǵadan esirtki alyp jatqan jerinen ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat tilshisi.
«Aǵymdaǵy jyldyń 18 maýsymynda Almaty oblysyna qarasty Talǵar aýdanynyń Besaǵash aýylynda QR Ulttyq qaýipsizdik komıtetiniń Almaty oblystyq departamenti men ІІD Ózindik qaýipsizdik basqarmasy qyzmetkerleriniń birlesken jedel izdestirý sharasy barysynda jeke tulǵadan geroın (mýlıaj) esirtki zaty alynǵan. Osy is boıynsha Talǵar aýdandyq ІІB qyzmetkeri ustaldy», - dedi ol.
Onyń atap ótýinshe, QR UQK Almaty oblystyq departamenti QR QK 297 baby, 3 tarmaǵy boıynsha sotqa deıingi tergeý amaldaryn júrgizýde.
«Sonymen qatar oblystyq ІІD Ózindik qaýipsizdik qyzmeti de qyzmettik tekserýdi bastady», - dedi Almas Sadýbaev.
