Polıtsııa qyzmetkeri áriptesin baıqamaı atyp tastady
ASTANA. 22 qańtar. QazAqparat - Kalıfornııalyq polıtsııa qyzmetkeri abaısyzda óz áriptesin atyp tastady. Bul týraly Alamıda okrýgi (Kalıfornııa shtaty) sherıfiniń baspasóz qyzmetine silteme jasap, KGO-TV telearnasy (San-Frantsıskodaǵy ABC fılıaly) habarlady.
Oqıǵa Dýblın qalasynda 21 qańtarda oryn alǵan. Polıtsııa qyzmetkerleri jýyrda birneshe urlyq jasady dep kúdiktelip otyrǵan azamattyń úıine tintý jasap júrgen.
Úıdi tintý barysynda polıtseılerdiń biri baıqaýsyzda qarýynyń shúrippesin basyp alǵan. Oq 42 jastaǵy Tom Smıt atty serjantqa tıgen. Jaraqat alǵan tártip saqshysy aýrýhanada kóz jumdy. Dýblınniń quqyqqorǵaý organdary bul isti tergeýde. Belgili bolǵandaı, kúdiktiniń úıinde eshkim bolmaı shyqqan.
Tom Smıt osy óńirde qyzmet babynda qaıtys bolǵan alǵashqy tártip saqshysy bolyp otyr. Onyń artynda áıeli men 6 jasar balasy qaldy.
