Polıtsııa qyzmetkeri 6 adamǵa oq atyp, keıin ózin óltirdi
ASTANA. QazAqparat - Senbi kúni keshkisin Frantsııanyń Sarsel qalasynda polıtsııa qyzmetkeri úsh adamdy atyp óltirip, taǵy úsheýin jaralady. Bul týraly búgin quqyqqorǵaý organdarynyń málimetine súıenip, France Info radıostantsııasy habarlady.
Oǵan sáıkes, polıtsııa qyzmetkeriniń súıiktisi, onyń anasy men ápkesi oq jaraqattaryn alǵan, al áıeldiń ákesi men eki kórshisi oqıǵa qurbany bolǵan.
Keıin 31 jastaǵy polıtseı óz-ózine qol saldy. France-Presse agenttiginiń málimetterine súıensek, polıtsııa qyzmetkerimen birge turatyn áıel jaqynda odan ketetinin málimdegen. Osyǵan sáıkes tergeý qyzmeti janjal turmystyq daý-damaı saldarynan boldy degen nusqany ustanyp otyr.
Aıta ketsek, Frantsııanyń polıtsııa qyzmetkerleri 2015 jyly elde bolǵan lańkestik oqıǵadan keıin kezekshilik sońynda qarýdy ótkizbeýge jáne ony úılerinde saqtaýǵa ruqsat alǵan.
