Polıtsııa qyzmetin baǵalaýdyń jańa talaptary bolmaq
ASTANA. QazAqparat - Búgin QR Іshki ister mınıstri Erlan Turǵymbaevtyń tóraǵalyǵymen Іshki ister organdary qyzmeti máseleleri jónindegi qoǵamdyq keńestiń jańartylǵan quramdaǵy birinshi otyrysy ótti. Bul týraly QazAqparat mınıstrliktiń baspasóz qyzmetine silteme jasap habarlaıdy.
Azamattyq qoǵamnyń 20 ókili - belgili qoǵam qaıratkerleri zańgerler, quqyq qorǵaýshylar, jýrnalıster jáne ÚEU-nyń ókilderi qabyldanǵan keńestiń jańa quramy 2019 jyldan 2022 jylǵa deıin jumys isteıdi.
E.Turǵymbaev Qoǵamdyq keńes múshelerine belsendi azamattyq pozıtsııasy men ishki ister organdary qyzmetine aıyryqsha nazar aýdarǵandary úshin alǵysyn bildirdi. Polıtsııa qyzmetiniń basty ustanymy - ashyqtyq pen aıqyndyq ekenin aıtty. Qazaqstandyq polıtsııa azamattardyń quqyǵy men zańdy múddelerin qorǵaý boıynsha qoǵammen ashyq dıalogqa árqashan daıyn ekenin atap ótti.
«Keńes qyzmeti eń aldymen qoǵammen tyǵyz qarym-qatynas ornatýǵa yqpal etedi, halyq pen polıtsııa arasynda ózara qarym-qatynas problemalary týraly aldymen habardar bolýǵa múmkindik týǵyzady»,- dedi mınıstr.
Sondaı-aq, mınıstr Keńes múshelerine ishki ister organdarynyń reformasy týraly aıtyp berdi. Іshki ister organdaryn jańǵyrtýdyń 2019-2021 jyldarǵa arnalǵan jol kartasyn iske asyrý baǵytynda atqarylyp jatqan jumystarymen tanystyrdy.
Erlan Turǵymbaev 54 is-sharany qarastyratyn, 9 negizgi baǵyttan turatyn Jol kartasyn iske asyrýda qoǵamdyq keńestiń belsendi atsalysatyna senim bildirdi.
Otyrys barysynda Qoǵamdyq keńestiń tóraǵasy bolyp M.Nárikbaev atyndaǵy QAZMZÝ quqyqtyq ádil sot jáne ǵylymı quqyqtyq saraptamalar jónindegi ǵylymı-zertteý jobasynyń jetekshisi, professor Marat Qoǵamov saılandy.
Jańa saılanǵan tóraǵanyń basshylyǵymen Qoǵamdyq keńes ІІO jańǵyrtý jónindegi jol kartasyn oryndaý maqsatynda ázirlengen polıtsııanyń qyzmetin baǵalaýdyń jańa krıterııler jobasyn qarady.
Talqylaýdan keıin Keńes músheleri ishki ister organdarynyń qyzmetin jetildirýge jáne nátıjeli reformalaýǵa baǵyttalǵan konstrýktıvti usynystar jasady.
