Polıtsııa qytaılyq jeńsik as áýesqoılaryna arnalǵan 800 mysyqty ajaldan arashalap qaldy
BEIJІŃ. Qarashanyń 25-i. QazAqparat - As mázirine arnalǵan 800-den astam mysyqtardy qytaılyq janýarlardy qorǵaýshylar polıtseılerdiń kómegimen qutqaryp qaldy,
dep habarlaıdy QazAqparat Sınhýa agenttigine silteme jasap.
«Mııaýlaǵan júk» Gýandýn ońtústikqytaılyq provıntsııasyndaǵy meıramhanaǵa jóneltilip jatqan kezinde Tıantszın mýnıtsıpalıtetinde anyqtaldy. Kósheden aýlanǵan nemese ıeleriniń úılerinen tikeleı qoldy bolǵan mysyqtar meıramhanalarǵa árqaısysy 10 ıýannan (bir jarym dollar) satylady. Belsendiler mysyqtar qamalǵan dúńgirshekterdiń esikterin myqtap jaýyp, janýarlardyń pyshaqqa ilinýine jol bermedi. Sherý bir táýlikke sozyldy. Demonstranttar polıtsııany kómekke shaqyrdy, satýshydan mysyqtardyń paıda bolýy týraly qujatty kórsetýin talap etti.
Uzaq ýaqytqa sozylǵan qarsylyqtan keıin mysyqtar ajal sheńgelinen qutqarylyp, mýnıtsıpaldy mektepterdiń birindegi úıge ýaqytsha ornalastyryldy. Belsendiler barlyq mysyqtardy ıelerine keri qaıtarýǵa bel baılap otyr.
