Polıtsııa qylmyskerdi ustaý boıynsha ekikúndik operatsııaǵa 1,2 mln. dollar jumsady
ASTANA. QazAqparat - Kanadalyq polıtsııa osy jylǵy maýsymda úsh polıtseıdi ajal qushtyrǵan qylmyskerdi ustaýǵa 1,2 mln. dollar qarajat jumsady.
Bul týraly dúısenbi kúni vedomstvodan habarlady.
4 maýsymda Monkton (Nıý-Bransýık provıntsııasy) qalasyndaǵy kóshede úsh polıtseıdi atyp, eki tártip saqshysyn jaralaǵan 24 jastaǵy Djastın Býrkti izdestirý jáne ustaý boıynsha ekikúndik operatsııaǵa barlyq el polıtsııasynyń 325 qyzmetkeri jumyldyryldy.
«Eń eleýli shyǵyn - 795 myń dollar - operatsııa qatysýshylaryna ústeme aqy tóleýge, eki kúnge qalypty jalaqy, sonymen birge jergilikti emes polıtseılerdiń turatyn jerine, tamaǵyna jumsaldy», - dep naqtylady kanadalyq polıtsııa basqarmasynan.
Úsh polıtseıdi óltirgeni úshin Býrkke eń aýyr jaza kesilmek, ol Kanadada ólim jazasy alynyp tastalǵandyqtan, ómir boıy túrmede otyratyn bolady.
