Polıtsııa qosyny HQKO-ǵa aınaldy - Qaraǵandy oblysy
ASTANA. QazAqparat - Qaraǵandy oblysynda Osakarov aýdany ákimshilik polıtsııasynyń tirkeý-emtıhan pýnkti HQKO-na aınaldy. Osakarov turǵyndary onda óz avtokólikterin tirkep, júrgizýshi kýálikterin aýystyra alady, dep habarlaıdy óńir ákiminiń resmı saıty.
Jańa júıeni pılottyq rejimde synaıdy. Osakarovtyqtar elimiz boıynsha birinshi bolyp onyń artyqshylyqtaryn baǵalaı alady. Onyń maqsaty - kórsetiletin memlekettik qyzmetterdiń sapasyn joǵarylatý bolyp tabylady. QR ІІM jáne «Azamattarǵa arnalǵan úkimet» kommertsııalyq emes aktsıonerlik qoǵamnyń sheshimi boıynsha ákimshilik polıtsııanyń aýdanaralyq jáne aýdandyq tirkeý-emtıhan pýnktteri (TEP) kezeń-kezeńmen Halyqqa qyzmet kórsetý ortalyqtaryna aýystyrylady.
- Atalmysh jańashyldyq júrgizýshiler kýáligin aýystyrý jáne kólikti tirkeý rásimderin anaǵurlym jeńildetedi. Olarǵa oblys ortalyǵynda ornalasqan arnaıy HQKO nemese ishki ister organdaryna barýdyń qajeti bolmaıdy. Alaıda joba alǵash ret júrgizýshi kýáligin berý qyzmetin qarastyrmaıdy, - dep túsindirdi Qaraǵandy oblysy boıynsha HQKO departamentiniń dırektory Órken Qaýymbekova.
Jaqyn arada «Azamattarǵa arnalǵan úkimet» memlekettik korporatsııasynyń 9 aımaqtaǵy taǵy 21 front-keńseleri osy jobaǵa jumyldyrylady.
Qazaqstanda 2012 jyldan bastap júrgizýshi kýálikterin berý jáne kólikti «bir tereze» qaǵıdasy boıynsha azamattarǵa memlekettik qyzmet kórsetetin mamandandyrylǵan HQKO jumys isteıdi.
