Polıtsııa kólikteri endi «Zanga qyzmet etemyz» degen jazýmen júretin bolady

NUR-SULTAN. QazAqparat - QR Іshki ister mınıstrligi aqparattyq aıyrý belgileri men jazýlary bar patrýldik avtokólikterdiń standarttaryn ázirledi, dep habarlaıdy QazAqparat mınıstrlik málimetterine silteme jasap.

Standartty belgilerden basqa, mundaı avtokóliktiń aldyńǵy janyndaǵy esikterinde «ZANGA QYZMET ETEMIZ» degen jazýy bar patrýldik polıtsııanyń emblemasy salynady.

Halyqty aqparattandyrý jáne azamattardyń ótinishterine jedel den qoıý úshin avtomobıldiń artqy búıir qanattarynda kezekshi bólimniń nemese JBO jáne aýdandyq polıtsııa bólimshesiniń jedel kezekshisiniń telefon nómirleri ornalastyrylady.

Avtopatrýlderdiń borttyq nómirleri, álemdik polıtsııa standarttaryna sáıkes narıadtardy tıimdi basqarý úshin artqy esikterde jáne avtokóliktiń júksalǵyshynda ornalasady.

Polıtsııa departamentterine patrýldik polıtsııa saptyq bólinisteriniń barlyq avtokólikterin aǵymdaǵy jyldyń aıaǵyna deıin bekitilgen standartqa sáıkes keltirý tapsyryldy.

Jańa aqparattyq belgilerdi salýǵa qosymsha shyǵyndar talap etilmeıdi. Ózgerister avtokólikti paıdalanýǵa buryn bólingen qarajat esebinen engiziledi.