Polıtsııa kóliginiń kapotyna shyǵyp «selfı» túsirgen eki jigit qamaldy – Qostanaı oblysy
QOSTANAI. QazAqparat – Rýdnyıda polıtsııa mashınasynyń kapotyna otyryp, sýretke túsken eki jigit keshirim surady, dep habarlaıdy QazAqparat.
Oblystyq polıtsııa departamentiniń baspasóz hatshysy Irına Bejenar aıtqandaı, jas jigitter buzaqylyq áreketi úshin 7 táýlikke qamaýǵa alyndy.
«Rýdnyı qalasynda 21 jáne 20 jastaǵy eki jas jigit mas kúıinde qoǵamdyq orynda turǵan polıtsııa qyzmettik kóliginiń kapoty ústinde otyryp, sýretke túsken. Olar sýretti áleýmettik jelilerde taratpaq bolǵan», - deıdi I.Bejenar.
Osy fakti boıynsha polıtsııa qyzmetkerleri quqyq buzýshylarǵa «Usaq buzaqylyq» baby boıynsha ákimshilik hattama toltyrdy. Sot sheshimimen Rýdnyı qalasynyń turǵyndary Ákimshilik quqyq buzýshylyq týraly kodeksiniń 434-babynyń 1-tarmaǵyna sáıkes quqyq buzýshylyq jasaǵany úshin kináli dep tanyldy.
