Polıtsııa kóligi elektr baǵanasyna soǵyldy - Qyzylorda
QYZYLORDA. QazAqparat - Qyzylordada jol-patrýldik polıtsııasynyń kóligi elektr baǵanasyna soǵyldy, dep habarlaıdy QazAqparat.
Oqıǵa 9 sáýirde bolǵan. Oqys jaǵdaıǵa oblystyq ishki ister departamenti túsinik berdi.
«Lada Prıora» markaly avtokólik júrgizýshisi Qorqyt Ata jáne Bákirov kósheleriniń qıylysynda keri burylǵan kezde basty jolda kele jatqan «Toıota Karolla» markaly polıtsııa kóligine jol bermegen. Saldarynan polıtsııa kóligi elektr baǵanasyna soǵyldy. «Lada Prıora» júrgizýshisine qatysty QR Ákimshilik quqyq buzýshylyq týraly kodeksiniń 610-baby 1-bóligine sáıkes ákimshilik hattama toltyryldy»,- delingen baspasóz qyzmetiniń habarlamasynda.
Ádilet Qańtarbaev
