Polıtsııa kóbinese esirtki satýshylarmen emes, esirtki tutynýshylarmen kúresip júr - Prokýratýra
Prokýratýranyń málimetine qaraǵanda, Astanada 2 myńnan astam nashaqor resmı tirkeýge alynǵan. «Qalada uzaq ýaqyt boıy esirtki satýmen aınalysatyn tutastaı toptar bar eken eshkimge de qupııa emes. Munda múddellik tanytyp júrgen uıymdasqan qylmystyq toptardyń jymysqy áreketteri de beseneden belgili, al biraq olarǵa qarsy eshqandaı da nátıjeli jumys atqarylmaı keledi. Іshki ister organdarynyń osy baǵyttaǵy áreketterin baǵalaı otyryp, biz olardyń qyzmeti esirtki satýshylarmen kúreske emes, esirtkini tutynýshylarymen kúreske baǵyttalǵan ba, degen oıda qalamyz», - dedi R. Áıtimov. Onyń sózine qaraǵanda, sońǵy ýaqytta Astana qalasy boıynsha esirtki zattarynyń tranzıti jáne soǵan baılanysty oqıǵalar kórsetkishi artyp otyr. «Zańsyz aınalymda júrgen geroın sekildi esirtki zattarynyń jalpy mólsheriniń tek 1 paıyzy ǵana quqyq qorǵaý jáne arnaıy organdarmen tárkilenetini týraly faktiniń ózi osyny rastaıdy. Budan bólek, prokýratýra jáne basqa da quqyq qorǵaý organdarymen esirtkiniń zańsyz aınalymyna, sonyń ishinde zańsyz tasymaldardy júzege asyratyn uıymdasqan qylmystyq toppen kúreske qarsy 2015 jylǵy birlese atqarylǵan jedel aldyn alý sharalary tıisti deńgeıde atqarylǵan joq», - deıdi R. Áıtimov. Onyń sózine qaraǵanda, buǵan basty sebepterdiń biri Esirtkige qarsy kúres basqarmasy jumysynyń durys jolǵa qoıylmaǵandyǵynda bolyp otyr.