Polıtsııa Kelndegi Pegida qozǵalysynyń sherýin qýyp taratty
ASTANA. QazAqparat - Polıtsııa Kelndegi Pegida ıslamǵa qarsy qozǵalysynyń sherýin jáne osy qozǵalysqa radıkaldy qarsylastardyń aktsııasyn toqtatty, dep habarlady RIA Novostı.
Pegida oppozıtsııalyq sherýine qatysýshylar polıtseıler men jýrnalısterge petardalar men bótelkeler laqtyra bastaǵasyn quqyq qorǵaýshylar sýatqyshtardy iske qosýǵa májbúr boldy. Eki shara da qatar júrip jatqan bolatyn. Polıtsııa qalyptasqan jaǵdaıdy qaýipti dep baǵalap, sherýdi toqtatýǵa sheshim qabyldady.
.Pegida ataýynyń sheshimi «Eýropalyq-patrıottar Ejelgi dúnıeni ıslamdandyrýǵa qarsy» degendi bildiredi. Aktsııa jańajyldyq túnde áıelderge júzden astam shabýyl jasalýyna qarsylyq retinde ótkizilýde.
Seısenbi kúni Keln polıtsııasy jańajyldyq túnde afrıkandyq jáne arab keıipti er adamdardyń jynystyq zombylyqqa árekettenip, shabýylǵa ushyraǵan áıelderden 90-ǵa tarta shaǵym alǵanyn habarlady, aldyn ala málimetter boıynsha, olar negizinen mıgranttar bolsa kerek.
Keln soborynyń aldyndaǵy alańǵa túnde 15- pen 35 jastardyń aralyǵyndaǵy myńǵa tarta er adamdar jınalǵan. Kýágerlerdiń aıtýynsha, iship alǵan er adamdar tobymen áıelderdi qorshap, ámııandaryn jáne uıaly telefondaryn tartyp alǵan, al olardy toqtaýǵa tyrysqan adamdarǵa ses kórsetken.
Qazirgi kezde polıtsııa 170-den astam osyndaı shaǵymdar alǵan.
