Polıtsııa qatarynda 11 myń qyz-kelinshek qyzmet etedi - Іshki ister mınıstri
NUR-SULTAN. QazAqparat – Polıtsııa qatarynda er-jigittermen bir sapta kúndiz-túni aıanbaı 11 myń qyz-kelinshek qyzmet etedi. QR Іshki ister mınıstri Erlan Turǵymbaev halyqaralyq áıelder kúnimen quttyqtaýynda osylaı málim etti, dep habarlaıdy QazAqparat.
«Qurmetti hanymdar! Sizderdi kóktem merekesi – 8 naýryz halyqaralyq áıelder kúnimen shyn júrekten quttyqtaımyn! Búginde áıelder barlyq salada jemisti qyzmet atqarýda. Sonyń ishinde, polıtsııa qatarynda da qyz-kelinshekter kóp. Er-jigittermen bir sapta kúndiz-túni aıanbaı 11 myń qyz-kelinshek qyzmet etedi. Olardyń 580-i basshy quram.
Olardyń ishinde tergeýshiler, anyqtaýshylar, psıhologtar, ýchaskelik, mıgratsııalyq, patrýldik jáne ákimshilik polıtsııa ınspektorlary bar.
Ýaqytqa qaramastan, óz jumysyna berilip, eliniń qorǵany bolyp júrgen qyz-kelinshekter - batyrlyq pen erliktiń sımvoly! Sondyqtan, osyndaı áriptesterimizdi qurmetteý – bizdiń paryzymyz!», - dedi Erlan Turǵymbaev. Onyń aıtýynsha, áıelder qaýymynyń
únemi kúlip, er-azamattar aınalasynda júrýi úshin erekshe rýh beredi.
«Ezýlerińizden kúlki ketpesin! Sizder baqytty bolýǵa laıyq jansyzdar! Balalaryńyzdyń bolashaǵy jarqyn bolyp, jan-jaqtaryńyz aman bolsyn.
Sizderge mol baqyt, zor densaýlyq jáne qajymas qaırat tileımin!», - dedi mınıstr.
