Polıtsııa karıkatýrashy Lars Vılkske jasalmaq bolǵan qastandyqtyń aldyn aldy
ASTANA. Naýryzdyń 10-y. QazAqparat - Irlandııada shved karıkatýrashysy Lars Vılkstke qastandyq jasamaq bolǵan jeti kúdikti ustaldy.
Irlandııa polıtsııasynyń málimetteri boıynsha, álgiler sýretshini, onyń 2007 jyly shved gazetteriniń birinde jarııalanǵan Muhammed paıǵambarǵa jasalǵan karıkatýrasy úshin óltirmek bolǵan, dep habarlaıdy «Maıak» radıostansasy.
Kúdiktilerdiń tórteýi -er azamat, úsheýi -áıel, barlyǵy -musylmandar. Sol oqıǵadan keıin atyna qoqan-loqy jasala bastaǵan Vılks Shvetsııa polıtsııasynyń qorǵaýynda. «Ál-Kaıedamen» baılanysy bar lańkestik top sýretshiniń basy úshin 100 myń dollar syılyq taǵaıyndap otyr.
