Polıtsııa qańtar oqıǵasyna qatysty 200-den astam isti qarap jatyr

NUR-SULTAN. QazAqparat – Polıtsııa qańtar oqıǵasyna qatysty 276 isti qarap jatyr. Bul týraly QR Іshki ister mınıstrligi Tergeý departamentiniń basshysy Sanjar Ádilov aıtty, dep habarlaıdy QazAqparat tilshisi.

«Polıtsııa tergeýshileri qańtar oqıǵasy boıynsha 4 642 qylmystyq is qozǵady. Al 971 iske qatysty tergeý aıaqtaldy, onyń ishinde 609 aıyptalýshyǵa qatysty is sotqa joldandy. Sot talqylaýynyń nátıjeleri boıynsha 539 aıyptalýshyǵa qatysty úkim shyqty. Olardyń 425-ine bas bostandyǵyn shekteý jazasy berilse, 104-i aýyr ári asa aýyr qylmystar jasaǵany úshin bas bostandyǵynan aıyryldy», - dedi Sanjar Ádilov Ortalyq kommýnıkatsııalar qyzmetinde.

Onyń aıtýynsha, qazir polıtsııa tergeýshileri 276 isti qarap jatyr.

«Jalpy, polıtsııa tergeýshileri 40 myńǵa jýyq tergeý áreketterin júrgizdi. 15 myńnan astam azamattan jaýap alyndy jáne 2,5 myńnan astam saraptama taǵaıyndaldy. Zardap shekken adamdarǵa 360 mln teńgege jýyq somaǵa baǵalanǵan zalaldy óteý qamtamasyz etildi. Onyń ishinde sotqa deıingi tergeý jáne isterdi sotta qaraý satysynda kúdiktiler óz erikterimen jábirlenýshilerge 15 mln teńgeden astam somaǵa zalaldy ótedi», - dedi vedomstvo ókili.