Polıtsııa Hanty-Mansııskidegi jol apatyna qatysy bar júrgizýshilerdi ustady
ASTANA. QazAqparat - Hanty- Mansıısk aımaǵyndaǵy jol kólik apatyna tap bolǵan avtobýs pen júk kóliginiń júrgizýshilerimen polıtsııa qyzmetkerleri jumys isteýde. Óıtkeni olar jolda júrý erejesin óreskel buzǵan jáne bir-birine qaıshy keletin málimetter bergen, dep habarlady RF Tergeý komıtetiniń baspasóz qyzmeti dúısenbi kúni. Bul týraly ria.ru habarlaıdy.
Osyǵan deıin málim bolǵanyndaı, Túmen-Hanty Mansıısk avtojolynda avtobýs, júk kóligi men eki jeńil kólik soqtyǵysqan bolatyn. Osy oqıǵanyń saldarynan 12 adam mert boldy. Olardyń 11-i balalar.
Jergilikti bılik ókilderiniń málimetterinshe, avtobýsta sporttyq akrobatıkadan jarysqa qatysyp, Hanty-Mansııskiden Nefteıýgansk qalasyna qaıtyp kele jatqan balalar komandasy otyrǵan.
Óńirlik basshylyqtyń málimetterine qaraǵanda, osy oqıǵaǵa baılanysty barlyǵy 24 adam aýrýhanaǵa jetkizilgen. Olardyń ekeýi bosatylǵan. Aýrýhanada osy ýaqytta 22 adam jatyr.
Tergeý komıteti ókilderiniń málimetterinshe, tergeý kezinde bir-birimen soqtyǵysqan avtobýs pen júk kóliginiń júrgizýshileri apat oryn alar ýaqytta kólikterdiń qaıda bolǵany týraly bir-birine qarama-qaıshy málimetter bergen.
«Osy rette eki júrgizýshi tarapynan da jolda júrý erejesi óreskel buzylǵandyǵy anyqtaldy. Osyǵan baılanysty tergeýshiler júrgýshilerdi ustaý qajet degen sheshim qabyldaǵan»,-delingen habarlamada.
Qazirgi tańda eki júrgýzishi de jol-kólik oqıǵasyna kúdikti retinde qarastyrylýda. Endi olardy tutqyndaý máselesi sheshilýde.
