Polıtsııa esirtkige jarnama jasap, banner ilgenderdi izdep jatyr - Almaty
Bul týraly qoǵamdyq belsendisi Ásem Japısheva Facebook paraqshasynda jazdy.
Post avtory mundaı jarnamalyq bannerlerdi birneshe ortalyq kósheden kórgen.
«Bannerde QR-kod pen saıt ataýy kórsetilgen. Sol kod arqyly saıtqa ótip, staff, spıd, mefedron, krıstal basqa da zattardy alýǵa bolatyny kórsetilgen. Odan da soraqysy banner ilgen adamdar aıfon, taǵy basqa zattardy oınatý úshin baıqaý uıymdastyrǵan. Baıqaý talaptary – banner qasynda sýretke túsip, dostar men tanystardy tegteı otyra áleýmettik jelide jarııalaý kerek. Tek bul fıtnes ortalyqtyń jarnamasy emes, esirtki dılerleriniń jarnamasy», - dedi ol.
Qoǵam belsendisi mundaı bannerlerdiń Qazaqstannyń 5 iri qalasy Nur-Sultan, Qaraǵandy, Shymkent, Óskemen, Almatyda bar ekendigin aıtty.
«Bul derek qalalyq Polıtsııa departamentiniń esirtki bıznesine qarsy kúres basqarmasynyń baqylaýyna alyndy. Quqyq qorǵaý organdary tarapynan shuǵyl sharalar qolǵa alyndy. Tekserý nátıjesinde bannerdi jarııalaǵan kompanııa anyqtaldy. Jaqyn arada tapsyrys berýshi de tabylyp qalady», - dedi Polıtsııa departamentinen.
Polıtsııa qazir bul bannerlerdi alyp tastaýda.