Polıtsııa elordalyqtarǵa úndeý jasady
NUR-SULTAN. QazAqparat – Elordalyq polıtsııa qyzmetkerleri daýys zoraıtqysh quraldar arqyly turǵyndarǵa karantındik saqtyq sharalary týraly eskertedi, dep habarlaıdy QazAqparat qalalyq Polıtsııa departamentine silteme jasap.
Elimizdegi tótenshe jaǵdaı men qaladaǵy karantınge baılanysty
Іshki ister organdarynyń qyzmetkerleri 20-21 maýsym kúnderi aıryqsha rejımde qyzmet etedi. Qoǵamdyq tártip pen strategııalyq nysandardy qorǵaýdy kúsheıtip, polıtsııa jasaqtarynyń sany kóbeıtildi.
Sonymen birge, kóshelerdi patrýldeý jumystary úzdiksiz jalǵasýda. Polıtsııa kólikteri daýys zoraıtqyshtarymen jabdyqtalǵan jáne halyq arasynda túsindirý jumystary júrýde.
Patrýldeý marshrýty barlyq aýmaqty qamtıtyndaı etip qurylǵan. Polıtseıler barlyq turǵyn úı oramdaryna jáne halyq kóp jınalatyn oryndarǵa barady.
Qazaq jáne orys tilderinde qaıtalanatyn aýdıojazbalarda tómendegideı aqparat aıtylady:
Qurmetti elorda turǵyndary! Nur-Sultan qalasy aýmaǵynda koronavırýstyq ınfektsııa karantınine baılanysty barlyq turǵyndar kelesi shekteý sharalaryn saqtaýy kerek:
• Asa qajettilik bolmasa turǵyn úıden shyqpańyz.
• Adamdar kóp jınalatyn oryndarǵa – bankterge, dárihanalarǵa, dúken men medıtsınalyq mekemelerge barǵanda, qoǵamdyq kólikke mingende betperde kıińiz.
• Túshkirý nemese jótelý kezinde muryn men aýyzdy bir rettik súlgimen jabyńyz.
• Qoldy sabynmen jýyńyz nemese spırttik antıseptık jaǵyńyz.
• Qoǵamdyq oryndarda eń kemi 1,5-2 metr qashyqtyqty saqtańyz.
• Qol almasyp amandaspańyz.
