Polıtsııa: Elordada ýaqytsha tirkelgenderdiń kóbi - reseılikter
ASTANA. QazAqparat – Astanada ýaqytsha tirkelgen shetel azamattarynyń kóbisi reseılikter. Bul týraly elordadaǵy Polıtsııa departamenti Kóshi-qon qyzmeti basqarmasy basshysynyń orynbasary Anar Jomartova aıtty, dep habarlaıdy QazAqparat tilshisi.
Atap aıtqanda, 2022 jyly elordada ýaqytsha tirkelgen shetel azamattarynyń sany ósti.
2021 jylmen salystyrǵanda 30 paıyz ósim boldy, ıaǵnı 42 762 sheteldik tirkeldi
«Ýaqytsha tirkeýge turǵandardyń kóbi Reseı azamattary, ıaǵnı 75 paıyzy osy eldiń adamdaryna tıesili. Bul úrdis byltyrǵy qyrkúıek aıynan beri baıqaldy. RF azamattary Qazaqstanda 90 kún boıy tirkeýsiz bola alady. Eger olar osynda qalatyn bolsa, onda tıisti zańdastyrý rásiminen ótýi kerek. Osy oraıda, jumysqa ornalasqany týraly derekter kerek. Sonymen qatar, eger týystaryn tapsa, olar qala alady. Jalpy, eńbek shartyn jasaý arqyly qalý múmkindigi bolady», - dedi A. Jomartova 2022 jyly kóshi-qon salasynda atqarylǵan jumysqa qatysty ótken baspasóz máslıhatynda.
Onyń aıtýynsha, shetel azamattary elimizde kóp jaǵdaıda Qazaqstanda bolý merzimine qatysty erejeni buzyp jatady.
Budan buryn habarlanǵandaı, Astanada kóshi-qon zańnamasyn buzǵan 6 myńǵa jýyq shetel azamaty anyqtaldy.
2022 jyly elordada kóshi-qon salasyna qatysty 635 myńnan astam qyzmet kórsetildi.
Byltyr Astanada qos azamattyǵy bar 43 adam jazalandy.
