Polıtsııa elordada soqqyǵa jyǵylǵan júrgizýshi áıelge qatysty túsinik berdi
«Nur-Sultan qalalyq polıtsııa departamenti A.N.Álıevanyń soqqyǵa jyǵylǵany týraly vıdeony zertteýde. Naqtyraq aıtqanda, 14 sáýir kúni saǵat 17.00 shamasynda elordadaǵy Qoshqarbaev kóshesi, 45/1 úıiniń aýlasynda turǵyndar arasynda kıkiljiń týyndap, sońy qaqtyǵysqa ulasqan. Oǵan avtokólik júrgizýshileriniń jolǵa talasyp qalýy sebep bolǵan. Júrgizýshiler bir-birine jol bergisi kelmegen. Aqyry kórshiler arasha túsip, polıtsııa kelgenshe eki jaqty ajyratyp alǵan», - dep habarlaıdy qalalyq polıtsııa departamentinen.
Polıtsııa málimetinshe, qaqtyǵystan zardap shekken áıel aýrýhanaǵa jatqyzylyp, 20 sáýir kúni úıine shyǵarylǵan. Qazir atalǵan oqıǵa boıynsha tergeý amaldary júrgizilip jatyr. Іske qatysty adamdardyń bári de tergelýde. Tergeý barysyn Nur-Sultan qalalyq polıtsııa departamentiniń bastyǵy baqylaýyna alǵan.
Aıta ketsek, buǵan deıin áleýmettik jelilerde «elordada júrgizýshi múgedek balany tárbıelep otyrǵan anany jol bermegeni úshin soqqyǵa jyqty» degen taqyryppen vıdeo tarap ketken edi.