Polıtsııa elordada avtobýs júrgizýshileriniń eregisine túsinikteme berdi
ASTANA. QazAqparat - Astana polıtsııasy qoǵamdyq kólik júrgizýshileriniń kıkiljińine baılanysty áleýmettik jelilerde paıda bolǵan vıdeoǵa túsinikteme berdi, dep habarlaıdy QazAqparat.
«Polıtseıler №120 baǵdardyń júrgizýshisine qatysty 614 bap boıynsha ákimshilik hattama (Kólik quraldarynyń qozǵalysyna kedergi keltirý), al №39 baǵdardyń júrgizýshisine 595 bap boıynsha ákimshilik hattama toltyrdy (Manevr jasaý qaǵıdalaryn buzý)»,-dep atap ótilgen Astana ІІD baspasóz qyzmetiniń málimetinde.
1 aqpan kúni saǵat 18:00 kezinde «Kóktem» saýda úıi aıaldamasynda ýaqyt aralyǵyna baılanysty № 120 jáne № 39 avtobýstary júrgizýshileri arasynda janjal oryn aldy. № 39 baǵdardyń júrgizýshisi aıaldamadan qozǵala otyryp, qıylysqa qaraı júre bastaǵan kezde №120 qoǵamdyq kóligin basqaryp otyrǵan azamat qozǵalysqa kedergi jasaýǵa tyrysqan.
Osy oqıǵaǵa baılanysty qyzmettik tekserý júrgizilip, avtobýs júrgizýshilerinen túsinikteme alyndy.
Atap aıtqanda, qos taraptyń da jol erejesin buzǵandyǵy anyqtaldy. №39 baǵdardyń júrgizýshisine qatań sógis jarııalansa, №120 avtobýstyń júrgizýshisine qatysty jumysqa qaıta turý quqyǵynsyz eńbek kelisimsharty toqtatyldy.
Atap aıtqanda, qos júrgizýshi bir-birimen eregisip júrgen kezde avtobýstardyń ishinde jolaýshylar bolǵan edi, sonymen qatar bul oqıǵany aıaldamada turǵan adamdar vıdeoǵa túsirip aldy.
