Polıtsııa eki adamnan 20 keliden asa bekire balyǵyn tárkiledi
ASTANA. QazAqparat - «Bekire-2016» jedel-profılaktıkalyq sharasy asıaynda Oral stansasy Jelilik polıtsııa bóliminiń qyzmetkerleri qala áýejaıynda BQO-nyń 27 jastaǵy turǵynyn ustady.
Kóliktegi ІІD baspasóz qyzmetiniń habarlaýynsha,tekserý barysynda kúdiktiden 13 keli bekire tuqymdas balyq tabylyp, tárkilendi.
Sol kúni Atyraý stansasy Іshki ister jelilik bóliminiń qyzmetkerleri temirjol vokzalynda ustalǵan OQO-nyń 1992 jylǵy azamatynan 7,5 keli bekire tárkilendi.
Joǵaryda atalǵan eki fakt boıynsha QR QK 339-baby boıynsha (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha sotqa deıingi tergeýdiń biryńǵaı tizilimine tirkeldi.
Qazirgi ýaqytta tergeý amaldary júrgizilýde.
