Polıtsııa departamentiniń bastyǵy jas otbasylardy quttyqtady - Aqmola oblysy

KÓKShETAÝ. QazAqparat - Otbasy kúnin merekeleý qarsańynda Aqmola oblystyq Polıtsııa departamentiniń bastyǵy, polıtsııa general-maıory Armanbek Baımýrzın qyzmettik mindetterdi oryndaý kezinde erekshelengen polıtsııa qyzmetkerleriniń ata-analarymen jáne jas polıtsııa otbasylarymen kezdesti, dep habarlaıdy QazAqparat tilshisi vedomstvonyń baspasóz qyzmetine silteme jasap.

Іs-shara karantındik sharalardy saqtaı otyryp ótti.

«Árbir adamnyń ómirinde ata-analar úlken ról atqarady. Balalardyń jetistikterge jetýi olardy laıyqty jáne durys tárbıelegen ata-analarǵa baılanysty», – dep atap ótti Armanbek Baımýrzın.

Vedomstvo basshysy qonaqtarǵa alǵys hattar tabys etti. Polıtseılerdiń ata-analaryna balalarynyń erlik isteri men jaqsy jumysy týraly beınesıýjetter kórsetildi.

Máselen, polıtsııa kapıtany Aıan Ospanov bótenniń páterin tonamaq bolǵan qaskúnemdi qolǵa túsirdi. Ol kózine burysh spreıin shashqanyna qaramastan qaraqshyǵa qarsy tura aldy. Órt sóndirýshiler kelgenge deıin polıtsııa aǵa leıtenanty Baýyrjan Ómirzaqov áriptesterimen birge janyp jatqan dámhanadan gaz ballonyn alyp shyqty. Polıtsııa men Tótenshe jaǵdaılar departamenti qyzmetkerleriniń sheber jáne úılesimdi áreketteriniń arqasynda eshkim zardap shekken joq. Ýchaskelik ınspektor polıtsııa leıtenanty Danııar Sovetovtiń adal qyzmeti týraly jergilikti turǵyndar jyly lebizderin bildirýde.

Іs-sharaǵa Polıtsııa departamentiniń qyzmetkerleri - Baltabekovter, Qýat jáne Jumabekovter otbasylary shaqyryldy.

«Otbasy - bul eń úlken baqyt. Bul jańa ómirdiń bastaýy, urpaq jalǵasy jáne dástúrlerdi qurmetteý. Qoǵamnyń altyn dińgegi - jańa otbasylar paıda bolyp, qurylǵany bizderdi qýantady. Sizderge zor densaýlyq, baqyt jáne amandyq tileımin», - dep atap ótti departament bastyǵy Armanbek Baımýrzın.

Kezdesý sońynda is-shara qonaqtary polıtsııa departamentiniń murajaıyna baryp, polıtsııa vedomstvosynyń tarıhymen tanysty.