Polıtsııa departamenti elordalyq júrgizýshilerge úndeý joldady
NUR-SULTAN. QazAqparat – Nur-Sultan qalalyq polıtsııa departamenti júrgizýshilerdi jolda abaı bolýǵa shaqyrdy. Bul týraly QazAqparat departamenttiń baspasóz qyzmetine silteme jasap habarlaıdy.
«Qurmetti júrgizýshiler, aýa raıynyń nasharlaýyna baılanysty kólik quraldarynyń qozǵalysy úshin jekelegen jol ýchaskeleri jabyldy. Departamenttiń jeke quramy turǵyndarǵa kómektesý úshin jumys istep jatyr. Elorda turǵyndarynan túsinistikpen qaraýyn suraımyz: patrýldik polıtsııa talabyn oryndaýdy, jeke kólikten bas tartyp, qoǵamdyq kólikti paıdalanýdy, jeke kólikti jolǵa tastap ketpeýdi jáne qar tazalaý tehnıkalaryna kedergi keltirmeýdi suraımyz», - delingen PD baspasóz habarlamasynda.
