Polıtsııa departamenti bastyqtarynyń qyzmetin baǵalaý krıterııleri ázirlenýde - ІІM
Onyń atap ótýinshe, taıaýda ІІM-niń alqa májilisi ótip, onda vedomstvo basshysy Erlan Turǵymbaev jol ınfraqurylymyn jaqsartý úshin ókiletti organdarmen jol qozǵalysy qaýipsizdigin baqylaýdy kúsheıtýdi jáne tıisti sharalar qabyldaýdy tapsyrdy. Sondaı-aq qazirgi karantın jaǵdaıynda kóshi-qonǵa senimdi baqylaýdy qamtamasyz etý máselesi asa mańyzy ekenin atap ótti.
Munan bólek urlyqtyń, onyń ishinde ІІM-niń 2021-2023 jyldarǵa arnalǵan múlikti qorǵaý jónindegi baǵdarlamasyn iske asyrý sheńberinde mal urlyǵynyń, sonymen birge aqparattyq tehnologııalar kómegimen jasalatyn alaıaqtyqtyń aldyn alý boıynsha sharalar ázirleý qajettigin jınalǵandardyń qaperine saldy.
Mınıstr sondaı-aq, jeke quram arasynda zańdylyq pen tártiptiń saqtalýyna, kadr saıasatyn jetildirýge, qoǵam men halyqtyń úmitine sáıkes keletin «jańa formattaǵy» polıtsııa qyzmetkerin qurýǵa erekshe nazar aýdardy.
«ІІM polıtsııa departamenti men qylmystyq-atqarý júıesiniń árbir bastyǵynyń qyzmetin baǵalaý krıterıılerin ázirleýge kiristi. Bul baǵalaý tásilinde halyqtyń senim deńgeıi, qoǵammen ózara is-qımyl jáne jeke quram arasyndaǵy sybaılas jemqorlyqqa qarsy kúres mindetti túrde eskeriletin bolady», - dep atap ótken vedomstvo basshysy.