Polıtsııa demalys ornynda oq atqan adamdy ustady
ShYMKENT. Qyrkúıektiń 21-i. QazAqparat /Tatıana Pylaeva/ - Ońtústik Qazaqstan oblysynyń polıtsııasy atys qarýymen alty adamdy jaralaǵan 18 jastaǵy jigitti ustady,
dep habarlady oblystyq ishki ister departamentiniń baspasóz qyzmetinen.
«Shildeniń 7-si kúni Saıram aýdanynda ornalasqan demalys oryndarynyń birinde belgisiz bireý atys qarýyn qoldanyp, birneshe adamdy jaralaǵan jáne oqıǵa ornynan izin jasyrǵan bolatyn», dep habarlady departamenttiń baspasóz qyzmetinen. Oqıǵa saldarynan alty adam jaraqat alyp, aýrýhanaǵa túsken, olardyń ekeýi jasóspirimder. Saıram aýdandyq ishki ister bóliminiń qyzmetkerleri eki aıdan keıin álgini qolǵa túsirdi - ol 18 jastaǵy Shymkent turǵyny bolyp shyqty.
Bul fakti boıynsha «adam óltirýge áreket», «buzaqylyq» jáne atys qarýyn zańsyz satyp alý, berý, saqtaý, tasymaldaý nemese ustaý» baptary boıynsha qylmystyq is qozǵaldy.
