Polıtsııa Bestóbe shahtasynda zańsyz altyn qazýshylardyń ólimine qatysty tergeý júrgizýde

KÓKShETAÝ. QazAqparat - Aqmola oblysynyń Bestóbe kentindegi qaraýsyz qalǵan shahtada eki adamdy opyrylǵan topyraq basyp qaldy, dep habarlaıdy QazAqparat tilshisi.

Aýmaqtyq PD baspasóz qyzmetiniń málimetinshe, 15 qańtarda Stepnogor qalalyq polıtsııa bólimine «Tsentralnaıa» shahtasy kenishiniń dıspetcheri habarlasyp, ken úıindileriniń astynan eki adamnyń denesi tabylǵanyn aıtty.

«Anyqtalǵandaı, er adamnyń biri - Bestóbe kentiniń 1986 jylǵy turǵyny, ol buryn osy shaqtada jumys istegen. Al, ekinshisi 35 jastaǵy stepnogorlik. Olardyń denesin ózderimen birge bolǵan zańsyz altyn izdeýshiler syrtqa alyp shyqqan. Qazirgi kezde, bul derek Qylmystyq kodekstiń 269-1-babynyń 3-bóligi boıynsha sotqa deıingi tergep-tekserýlerdiń biryńǵaı tiziliminde tirkeldi (qorǵalatyn obektige zańsyz kirý). Tergeý jalǵasýda», - dedi vedomstvodan.

Aıta keteıik, Aqmola oblysynda iz-túzsiz joǵalǵan jasóspirim izdestirilýde.