Polıtsııa Barselonada teraktige qatysty bir adamdy atyp óltirdi - BAQ
ASTANA. QazAqparat - Barselonada terrorlyq akti jasaǵandardyń biri San-Jýst-Desvern mýnıtsıpalıtetinde polıtsııamen atys kezinde qaza tapty. Bul týraly reseılik TASS agenttigi habarlaıdy.
Ázirge kúdiktiniń aty-jóni jarııa etilmedi. La Vanguardia basylymynyń málimetinshe, taǵy bir qylmysker qashyp júr.
Buǵan deıin ıspandyq BAQ júk kóligin jalǵa alýshy Marseldiń týmasy Frantsııamen shekaradaǵy katalondyq Rıpol turǵyny sybaılastarymen qamaýǵa alynǵanyn jazdy.
Eske sala ketsek, beısenbi Barselona ortalyǵy Rambla kóshesinde júk kóligi adamdardy qasaqana qaǵyp ketken. Qaskóıler kóshe boıymen 530 metrdeı júrip ótken. Qazirgi ýaqytta qylmysker ustaldy. Katalonııa bıligi terakti saldarynan 13 adam qaza tapqanyn jarııa etti. Aýrýhanaǵa jatqyzylǵan zardap shegýshiler sany júzden asyp ketti.
Buǵan deıin habarlanǵandaı , QR SІM zardap shegýshiler arasynda qazaqstandyqtardyń bar-joqtyǵyn tekserip jatyr.
