Polıtsııa: Balandın kóliginiń aınasyn urlaǵandar qalaı ustaldy
ALMATY. QazAqparat - Almaty polıtsııasy Olımpıada chempıony Dmıtrıı Balandınniń aınasynyń urlanýyna baılanysty qylmysty qalaı ashqanyn túsindirdi, dedi QazAqparat tilshisi.
«Bul qylmysqa kúdikti retinde Almaty oblysynyń turǵyny, 33 jastaǵy Aıdos Ýálıev ustaldy. Qandaı qylmysty bolsyn áshkereleý kezinde polıtsııa qyzmetkerleri úlken jumys atqarady. Bul qylmysty ashý kezinde 45 kameranyń kadrlary qaraldy. Onyń 5-eýinde qylmysker otyrǵan Hyundai kóligi kórinedi. Osy kólikti tabý úshin biz 156 kólikti tekserdik. Bul qylmys ta ashyldy. Kúdikti er adam qasynda turǵan Range Rover kóliginiń de aınasyn alyp ketkeni túsinikti boldy», - deıdi qalalyq polıtsııa departamentiniń basshysy Serik Kúdebaev.
Aıta ketý kerek, munyń aldynda Olımpıada chempıony Dmıtrıı Balandınniń Qurmanǵazy-Baıseıitova kósheleriniń qıylysynda turǵan kóliginiń aınasy urlanǵany týraly aqparat taratqan bolatynbyz. Kóp uzamaı polıtsııa urynyń ustalǵany jóninde málimdedi. Múlkine zaqym keltirgen adamnyń ustalǵanyna rıza bolǵan Olımpıada chempıony polıtsııaǵa alǵys aıtty.
