Polıtsııa balalar úıi tárbıelenýshilerin uryp-soǵyp jatqan vıdeoǵa qatysty túsinikteme berdi

QONAEV. QazAqparat - Almaty oblysynyń polıtsııasy balalar úıi tárbıelenýshilerin uryp-soǵyp jatqan vıdeoǵa qatysty túsinikteme berdi, – dep habarlaıdy QazAqparat Polisia.kz saıtyna silteme jasap.

27 tamyz kúni Іle aýdanynyń qorǵanshylyq jáne qamqorshylyq organdaryna otbasy úlgisindegi balalar úıi tárbıelenýshileriniń uryp-soǵylǵandyǵy jaıynda aqparat kelip túsken.

Atalǵan derek boıynsha ıývenaldy polıtsııa qyzmetkerleri aýdan ákimdiginiń mamandarymen birlesip, tıisti tekserý jumystaryn uıymdastyrdy. Tárbıelenýshiler biraz ýaqytqa «Solnyshko» balalar úıine tapsyryldy.

QR ÁQBtK-niń 127-babynda kózdelgen fakti boıynsha jınalǵan materıal sottyń qaraýyna jiberildi. Balalardy odan ári qorǵanshylyqqa alý nemese odan aıyrý týraly sheshimdi arnaıy qurylǵan komıssııa qabyldaıdy.

Aıta keteıik, budan buryn Almaty oblysynda asyrandy balalardy uryp soqqan qamqorshyǵa qatysty tekseris bastalǵanyn habarlaǵan bolatynbyz.

Foto: polisia.kz