Polıtsııa azamattardyń tirkeýin qandaı jaǵdaıda tekseredi
ASTANA. QazAqparat - Polıtsııa qyzmetkerleri úılerdi aralap azamattardyń tirkeýi bar nemese joq ekendigin qandaı jaǵdaıda tekseretindigi belgili boldy. Muny búgin Astana qalalyq ІІD Kóshi-qon polıtsııasy basqarmasynyń bastyǵy Gúlvıra Dónenbaeva aıtty, dep habarlaıdy QazAqparat.
«Azamat óziniń kinásizdigin dáleldeýge mindetti emes. Bul ýchaske ınspektorynyń jumysy. Ol qaraptan qarap sizdiń úıińizge kelip, kire almaıdy. ıAǵnı qujattar bazasy bar. Bul bazaǵa barlyq memlekettik organdar kire alady», - dedi basqarma bastyǵy.
Sonymen qatar ol azamattardyń kez kelgen ýaqytta Halyqqa qyzmet kórsetý ortalyǵyna baryp, qajet bolǵan jaǵdaıda anyqtamany shyǵaryp alatyndyǵyn atap ótti.
«Kóshi-qon qyzmetkerlerine qatysty aıtar bolsam, ishki ister organdarynyń qyzmetkerleriniń mindeti birden baryp, jazalaý emes. Jazalaý sharalary tipti qozǵalyp ta otyrǵan joq. Másele bizdiń aldyn alý sharalary barysynda jedel tekserýdi júrgize alatyndyǵymyzda ǵana», - dedi Dónenbaeva.
Osy rette ol azamattardyń tirkeýin tekserý qalaı júzege asyrylatyndyǵyn da aıtyp berdi.
«Іshki ister organdarynda senim telefondary bar. Soǵan qońyraý túskende tekserý júrgizemiz. Sonymen qatar kórshilerden shaǵym túskende de tekseremiz. Kórshiler jıi jazbasha shaǵym jasap jatady. Páter ıesi kooperatıviniń tóraǵasy da úıde kim turatyndyǵyn anyqtaý úshin júginip jatady. Mundaı sátter óte kóp. Jalpy, qajet bolǵan jaǵdaıda Іshki ister mınıstrliginiń bazasynan da sol úıde kimniń turatyndyǵyn tekserýge bolady», - dedi ol.
