Polıtsııa áıel zorlady degen kúdik keltirilip otyrǵan poıyz jolserigine qatysty qylmystyq is qozǵaýdan bas tartty
ASTANA. 24 tamyz. QazAqparat - Polıtsııa jolaýshylardyń birin zorlady degen kúdik keltirilip otyrǵan Almaty-Zaşıta baǵytyndaǵy №352/351 poıyz jolserigine qylmystyq is qozǵaýdan bas tartty. Bul týraly búgin «Jolaýshylar tasymaly» aktsıonerlik qoǵamynyń baspasóz qyzmeti habarlady.
Baspasóz málimetterine qaraǵanda, «Zaşıta» stansasynyń kólik polıtsııasy qylmysqa negiz bolatyn dálelderdiń joqtyǵyna baılanysty bıylǵy jyldyń 20-shy tamyzy kúni osyndaı qaýly shyǵardy.
Esterińizge sala keteıik, bıylǵy jyldyń 10 tamyzy kúni «Zaşıta» stansasynyń jelilik ishki ister bólimine shyǵys Qazaqstan oblysynyń 31 jasar turǵyny habarlasqan bolatyn. Ol ózin «Almaty -Zaşıta» baǵytyndaǵy №352/351 poıyz jolseriginiń zorlaǵandyǵyn aıtqan bolatyn. Osyǵan baılanysty qosymsha tergeý sharalary men sot-medıtsınalyq saraptamasy taǵaıyndalǵan bolatyn. Tekserý sharalarynyń barysynda aryzdanýshynyń aqparattary rastalmady.
Áıeldiń denesinen zorlyq-zombylyqtyń belgisi tabylǵan joq. Buǵan qosa atalmysh azamatsha 2011 jyldyń 17-shi tamyzy kúni ózin zorlady degen azamatqa eshqandaı ókpesi joq ekendigin aıtyp, oǵan qatysty qandaı da bir shara qoldanbaýdy suraǵan.
