Polıtsııa avtobýsty qasaqana órtegen kúdiktini ustady
ASTANA. QazAqparat - Qytaıdyń shyǵysyndaǵy Shandýn ólkesine qarasty ıAntaı qalasynda avtobýsty qasaqana órtegen kúdikti polıtsııa qolyna tústi.
Sınhýa agenttiginiń aqparatyna qaraǵanda, 56 jastaǵy jergilikti turǵyn quqyq qorǵaý organdarynan boı tasalap, qala mańyna jasyrynǵan. Ol kýágerlerdiń jol silteýimen ustaldy. Qaskúnemniń ne úshin avtobýsty órtegendigi ázirshe belgisiz.
Esterińizge sala keteıik, qylmysker 20 tamyz kúni ıAntaı qalasynda tańerteńgi qarbalas sátte avtobýsty órtep jibergen edi. Oqıǵa saldarynan bir áıel qaza taýyp, 19 adam túrli dárejede dene jaraqatyn alǵan bolatyn. Júrgizýshiniń tótenshe oqıǵa kezinde jedel áreket jasaýynyń arqasynda jolaýshylardyń basym bóligi órtke oranǵan avtobýstan shyǵyp úlgerdi.
