Polıtsııa avtobýs qaǵyp kóz jumǵan qostanaılyqtyń týystaryn izdep jatyr
QOSTANAI. QazAqparat - Qostanaı oblysynda polıtsııa avtobýs qaǵyp, qaza tapqan 58 jastaǵy Stepan Volkovtyń týystaryn izdep jatyr, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«Qostanaıda jol apatynda jaıaý júrginshi, 1960 jyly týǵan Stepan Volkov qaza tapty. Qaıǵyly oqıǵa 5 qarasha kúni Altynsarın kóshesinde boldy. Qostanaı PB Soltústik bólimshesinde er adamnyń aty-jóni anyqtalǵanyn, biraq qazirgi kezde polıtseıler onyń týystaryn izdep jatqanyn málim etti», - delingen habarlamada.
Polıtsııa málimetinshe, Stepan Volkov 1960 jyly 20 qańtarda Belarýs eliniń Vıtebsk oblysynda dúnıege kelgen. Qostanaı oblysynyń Chernıgovka kentinde turǵan.
Eske sala keteıik, 5 qarasha kúni Qostanaıda avtobýs júrgizýshisi er adamdy qaǵyp ketti.
