Polıtsııa «Altyn Orda» bazaryn basyp alý týraly aqparatqa pikir bildirdi
ALMATY. QazAqparat - Almaty oblysynyń polıtsııasy jelide taraǵan «Altyn Orda» bazaryn basyp alý týraly aqparatqa qatysty pikir bildirdi, dep habarlaıdy QazAqparat tilshisi.
Oblystyq polıtsııa departamentiniń málimetinshe, 21 maýsym kúni áleýmettik jelige monıtorıng jasaý barysynda belgisiz bir top adamnyń bazar aýmaǵyn qorǵaý boıynsha óz quqyqtaryn zańsyz júzege asyrǵanyn anyqtady. Bul derek Qarasaı aýdandyq polıtsııa basqarmasynda Qylmystyq kodekstiń 389-baby 3-bóligi (Ózinshe bılik etý) boıynsha tirkelgen.
«Anyqtalǵandaı kúzet agenttiginiń «Altyn Orda» bazary aýmaǵynda kúzet qyzmetin usyný boıynsha kelisimsharty bolǵan. Qazirgi ýaqytta tergeý barysynda kelisimsharttar men ózge de qujattar tekserilip jatyr. Qoǵamdyq tártipti buzýǵa jol berilmedi. Ózge aqparat QІJK-niń 201-babyna sáıkes ózge de aqparat jarııalaýǵa jatpaıdy»,- dep habarlady vedostvodan.
Buǵan deıin «Altyn Orda» bazary dırektory orynbasarynyń ustalǵany týraly jazǵan edik.
Sndaı-aq «Altyn Orda» bazarynyń jumysyna qatysty Saýda jáne ıntergratsııa mınıstrliginiń call-ortalyǵy men telegram-chatyna 200-den astam aryz-shaǵym túsken bolatyn.
