Polıtsııa Almatynyń ortalyq aýrýhanasynan bomba izdep jatyr
ALMATY. QazAqparat - Almaty qalalyq Polıtsııa departamentine Ortalyq qalalyq klınıkalyq aýrýhanaǵa jarylǵysh zat qoıylǵany týraly shuǵyl aqparat tústi, dep habarlaıdy QazAqparat tilshisi.
«Qazir medıtsınalyq mekemeniń aýmaǵynda tekserý jáne izdestirý sharalary júrgizilip jatyr. Qyzmetkerler men naýqastar evakýatsııalandy. Saperler jumyldyryldy», - dep habarlady qalalyq Polıtsııa departamentinen.
Aıta keteıik, osyǵan deıin Almatydaǵy «MOSKVA Metropolitan» oıyn-saýyq ortalyǵyna jarylǵysh zat qoıylǵany týraly habar birneshe ret túsken bolatyn. Tártip saqshylary saýda ortalyǵynan 14 maýsym, 21 maýsym, 4 jáne 7 shildede adamdardy evakýatsııalaýǵa májbúr boldy.
Keshe Nur-Sultan qalasynyń áýejaıyna jarylǵysh zat qoıylǵany jaıly habar tústi. Quqyq qorǵaý organdary tekserý kezinde qaýipti zat tappady.
