Polıtsııa Almatyny aınalyp ótý jolynyń kartasyn usyndy
ALMATY. QazAqparat - Almaty polıtsııasy Almatyny aınalyp ótý jolynyń syzbasyn kartada kórsetti, dep habarlaıdy QazAqparat.
19 naýryz kúni saǵat 00:00-den bastap jarııalanǵan karantın erejelerin saqtaý maqsatynda Almaty polıtsııasy qalany oblys aımaǵy arqyly aınalyp ótý jolynyń syzbasyn kartada belgiledi.
«Bul oblys aımaǵy arqyly qalany aınalý baǵytyn kórsetedi. Shartty túrde Talǵar aýdanynan Qarasaıǵa jáne basqa aýdandarǵa qalaı jetýge bolatyny belgilengen. Kartada núkte syzyqpen qalany Almaty oblysynyń eldi mekenderi arqyly aınalyp ótý joldary kórsetilgen» delingen habarlamada.
Sonymen qatar, polıtsııa marshrýttardy aldyn ala josparlap, retteý, tótenshe jaǵdaı men karantın erejelerin, polıtsııa qyzmetkerleriniń zańdy talaptaryn qatań saqtaý jáne koronovırýs ınfektsııasymen kúresý jáne aldyn alý sharalaryna túsinistikpen qaraýǵa shaqyrady.
