Polıtsııa Almatydaǵy perzenthanadan jas bosanǵan áıeldi ustady
ALMATY. QazAqparat - Polıtsııa Almatydaǵy perzenthanadan jas bosanǵan áıeldi ustady, dep habarlaıdy QazAqparat tilshisi Pavlodar oblystyq ІІB baspasóz qyzmetine silteme jasap.
Maı aýdanynyń 31 jastaǵy turǵyny men onyń 33 jastaǵy kúıeýi oblystyq ІІD izdeýinde júrgen.
Polıtsııanyń aıtýynsha, erli-zaıyptylar oblys ortalyǵynyń turǵyndaryn «páter alyp beremin» dep aldap 46 mln teńgesin qoldy qylǵan.
«2-3 aıdyń ishinde páter alyp beremin dep azamattardy aldap ketken. Ne aqshasyn qaıtara almaǵan, ne páter almaǵan adamdar polıtsııaǵa shaǵymdandy. Kúdiktiler Pavlodar oblysynan tabylmaǵan soń izdeý jarııalandy», - dedi oblystyq ІІD-niń baspasóz qyzmetinen.
Oblystyq polıtsııa qyzmetkerleri kelinshekti Almatydaǵy perzenthanalardyń birinen tapqan. Jas bosanǵan kúdikti kelinshekke bultartpaý sharasy retinde perzenthanada qarýly kúzet qoıyldy.
Al kelinshektiń kúıeýi kelesi kúni ustalyp, Almatydaǵy ІІD-niń ýaqytsha ustaý oqshaýlaǵyshyna qamaldy.
Tergeý jalǵasyp jatyr.
