Polıtsııa Almatyda jol boıynda namaz oqyǵan azamattyń áreketine qatysty pikir bildirdi
ALMATY. QazAqparat - Almatyda jol boıynda kóligin qoıyp, namaz oqyǵan er adamnyń vıdeosy áleýmettik jelige shyqty. Almaty qalalyq polıtsııa departamenti bastyǵynyń orynbasary Rýstam Ábdirahmanov atalǵan vıdeonyń astyna pikirin jazdy, dep habarlaıdy QazAqparat tilshisi.
«Ǵıbadat – jaqsy ǵoı, biraq, bul árkimniń jeke isi jáne bizdiń dinimizde basqalarǵa kedergi keltirmeý de óte mańyzdy. Ǵıbadat jasaǵan kezde de basqalarǵa kedergi men qolaısyzdyqtar keltirmeý kerek. Bárine beıbitshilik pen izgilik tileımin»,-dep jazdy Rýstam Abdrahmanov.
Aıta keteıik, jol boıynda namaz oqyǵan adamnyń jol erejesin buzǵany úshin hattama toltyryla ma, joq pa ázirge belgisiz.
