Polıtsııa Almaty ortalyǵynan jarylǵysh zat izdep jatyr
ALMATY. QazAqparat - Almaty polıtsııasy Súıinbaı kóshesindegi Beeline ortalyǵynan jarylǵysh zat izdep jatyr, dep habarlaıdy QazAqparat tilshisi.
Súıinbaı kóshesi 243 mekenjaıy boıynsha ornalasqan ǵımaratty polıtsııa qorshaýǵa aldy. Ǵımarattan júzdegen adam syrtqa shyǵarylǵan. Oqıǵa ornynda jedel áreket etý qyzmeti jumys jasap jatyr.
«Jarylǵysh zat qoıylǵany týraly aqparat tústi. Qazir bul málimet tekserilip jatyr»,- dedi qalalyq polıtsııadan.
