Polıtsııa Almaty qalasynyń kireberisterinde qosymsha beketter qoıylǵanyn rastady
TALDYQORǴAN. QazAqparat - Almaty oblysynyń polıtseıleri Almaty qalasyna kiretin joldarda ýaqytsha beketter qoıylǵanyn rastady. Bul jóninde QazAqparat oblystyq ІІD baspasóz qyzmetine silteme jasap habarlaıdy.
«Almaty mańynda tártip saqshylarynyń 9 beketi 28-shi qysqy Ýnıversıada kezinde qaýipsizdikti qamtamasyz etý maqsatynda ashyldy. Sondaı-aq bekettegi polıtsııa qyzmetkerleri iz-túzsiz joǵalǵandardy, izdeýde júrgen qylmyskerlerdi anyqtaý sharalaryna atsalysady. Munan bólek kólik júrgizýshilerine eskertý jáne aldyn alý sharalaryn júrgizetin bolady» dep atap ótti óńirdiń ІІD baspasóz qyzmeti.
Ýaqytsha beketter sporttyq sharalardyń sońyna deıin, ıaǵnı 9 aqpanǵa deıin jumys isteıdi. Osyǵan oraı ІІD basshylyǵy tártip saqshylarynyń bul áreketine túsinistikpen qaraýǵa shaqyrady.
