Polıtsııa áleýmettik jeliler men WhatsApp-taǵy Qazaqstannyń COO-larynda lańkestik bolýy múmkin degen qaýesetterge senbeýge shaqyrdy
ASTANA. QazAqparat - QR Іshki ister mınıstrligi áleýmettik jeliler men WhatsApp-taǵy Qazaqstannyń saýda oıyn-saýyq ortalyqtarynda lańkestik bolýy múmkin degen habarlamalardy jalǵan dep atady.
«WhatsApp uıaly messendjeri men keıbir áleýmettik jeliler paıdalanýshylarynyń arasynda ІІM-ine silteme jasap iri saýda ortalyqtarynda lańkestik aktisi jasalýy múmkin degen aqparattar tarala bastady», - delingen vedomstvonyń habarlamasynda.
Qazaqstan Respýblıkasynyń ІІM bul aqparatty qýattamaıdy. Respýblıkadaǵy jedel jaǵdaı baqylaýda. «Azamattardy áleýmettik jelilerden alynǵan málimetterge senbeýge jáne memlekettik quzyrly organdardyń resmı aqparatyna súıenýge shaqyramyz», - dedi QR ІІM resmı ókili Almas Sádýbaev.
Eske sala keteıik, QR Qylmystyq kodeksiniń 274-babyna sáıkes qoǵamdyq tártipti buzý qaýpin týǵyzatyn nemese azamattardyń nemese uıymdardyń quqyqtary men zańdy múddelerine nemese qoǵamnyń nemese memlekettiń zańmen qorǵalatyn múddelerine zııan keltiretin kórineý jalǵan aqparat taratý bir myń aılyq eseptik kórsetkish mólsherinde aıyppulmen nemese sol mólsherde túzeý jumystarymen, nemese bir jylǵa deıingi merzimge bostandyǵyn shekteýge nemese sol merzimge bostandyǵynan aıyrýǵa jazalanady.
