Polıtsııa aqtóbeliktiń balkonynan 2 kelige jýyq esirtki tárkiledi
AQTÓBE. QazAqparat - Aqtóbelik óz páteriniń balkonynda 2 kelige jýyq esirtki saqtaǵan. Kúdikti esirtki shóbin saıajaıdan oryp alǵanyn aıtty, dep habarlaıdy QazAqparat tilshisi oblystyq PD baspasóz qyzmetine silteme jasap.
Polıtsııaǵa páterinde esirtki ónimin saqtaıtyn turǵyn týraly jedel aqparat kelip túsken. Aqparatty tekserý barysynda 30 jastaǵy azamattyń úıinen 1 keli 949 gramm bolatyn marıhýana tárkilendi.
«Kúdikti esirtki shóbin bos qalǵan saıajaılardan ózine paıdalaný úshin terip alǵanyn aıtty. Taǵy bir turǵyn 18 mamyrda erikti túrde polıtsııa qyzmetkerlerine bir keliden astam marıhýana tapsyrdy. Osy derekter boıynsha Qylmystyq kodekstiń «Esirtki ónimin zańsyz paıdalaný» baby boıynsha sot aldy tergeý amaldary bastalyp, saraptama taǵaıyndaldy», - dep habarlady oblystyq PD baspasóz qyzmeti.
Aıta keteıik, jyl basynan beri Esirtki qylmysyna qarsy is-qımyl basqarmasynyń qyzmetkerleri 116 keli esirtki (marıhýana) tárkiledi jáne esirtki jasaýǵa qatysty 20 derekti anyqtady.
